KOOTSTERTILLE - It wie in prachtich plaatsje op'e Tiile. In rige buskes stie klear op it parkearterrein foar de rom hondert supporters fan SC Kootstertille. It wie smoarhyt waar, der stie spanning op en de reis wie lang, mar it moatst no heve! Thús spile SCK 1-1 tsjin De Heracliden út Uithuizermeeden, yn in úthoeke fan Grinslân, en in oerwinning, hjoed, soe promoasje betsjutte. De spilers fan SCK ha striden as liuwen, mar De Heracliden hiene it lok oan harren kant. In 2-1 einstân en dit ferlies hâldt yn dat yn it seizoen 2017-2018 wer spile wurdt yn de 5de klasse.
Grutte ynset net beleane
SCK fuotballe en besocht kear op kear der troch te kommen. Dat slagge allinne mei de 1-1 fan Wilco. De kânsen fan de tsjinstanner wiene op ien hân te tellen, mar twa dêrfan fleagen yn it doel fan De Tille. Sûr en tsjin de ferhâlding, mar it draait om goals ast winne wolst. Striid wie der oan de leste tel fan de wedstryd. De Heracliden wiene foar it grutste diel oan it tsjinhâlden en fuortwâdzjen fan de bal. Tiid pakke en tiid nimme wie oan'e ein it kredo fan de Grinzers.
Grutsk kin de mannen fan Jan van Dijk e.o. wêze op harren striidplan, mar de teloarstelling oerhearske en dat sil noch wol efkes duorje. Aanst wurdt it gewoan wer augustus en brekt in nij fuotbalseizoen oan. Yn 2018 dan mar streekrjocht omheech?! ''Drie keer is scheepsrecht'', dochs?!
Kees Westra
{gallery}nieuws/kootstertillewaaksma{/gallery}
Notice: Undefined property: stdClass::$readmore in /home/kanaal30/domains/archiefkanaal30.nl/public_html/templates/ja_teline_v/html/layouts/joomla/content/item/default.php on line 121
